Национальный офис Erasmus+ в Казахстане (Neo KZ)

NEO жөнінде

Erasmus+ Ұлттық Кеңселері (NEO) Erasmus+ бағдарламасына қатысатын 23 серіктес-елде қызмет етеді. NEO Еуропалық Комиссияға, Білім, мәдениет және аудиовизуалды құралдар жөніндегі Еуропалық атқарушы агенттікке (ЕАСЕА), Еуропалық Одақ Өкілдіктеріне және Бағдарламаға байланыспаған үшінші елдердің жергілікті органдарына Erasmus+ бағдарламасының жүзеге асырылуына жәрдемдеседі.

NEO Erasmus+ бағдарламасының барлық әлеуетті қатысушысына қолдау көрсететін үйлестіруші орталық ретінде келесімен айналысады:

Бағдарлама туралы және оған кім қатыса алатыны жөнінде ақпарат беру

Бағдарламаның әлеуетті қатысушыларына ақпараттық кеңес беру

Саясат, зерттеулер мен іс-шаралар мәселелері бойынша диалог қолдау

Сарапшылар мен жергілікті билік органдарымен байланыс сақтау

Саясаттағы өзгерістерді бақылау

Мандат және мақсат

NEO мандаты – Erasmus+ бағдарламасы халықаралық компонентінің әрекеттерін қолдау, дамыту және тарату.

NEO жалпы мақсаты – NEO қызмет ететін елдерде Erasmus+ бағдарламасы халықаралық компоненті туралы хабардар болу деңгейін, оның өзектілігі мен ықпалын арттырып, дамуы мен таралуын қамтамасыз ету.

NEO нақты мақсаттары

Erasmus+ бағдарламасы туралы ақпарат беру және бағдарлама жөнінде хабардар болу деңгейін арттыру

Erasmus+ бағдарламасының әлеуетті қатысушыларына ақпараттық қолдау көрсетіп, кеңес беру

Erasmus+ бағдарламасының нәтижелерін интернет-ресурстары мен түрлі іс-шара ұйымдастыру арқылы тарату

Erasmus+ бағдарламасының жүзеге асуына қатысты мәселелер бойынша жергілікті және шетелдік мүдделі тараптармен ынтымақтастықта болып, оларға қолдау көрсету

Жоғары білімді реформалау ұлттық сарапшылар тобының қызметін үйлестіру