Жаңа қатысушыларға және серіктестер іздеуге бағытталған ақпараттық сессиялар

2026 жылғы 17 және 19 наурызда Erasmus+ бағдарламасы аясында еліміздің жоғары оқу орындары өкілдерін біріктірген екі ақпараттық сессия өткізілді.

Бірінші сессия жаңадан бастаушыларға және Erasmus+ бағдарламасында тәжірибесі аз немесе мүлде жоқ жоғары оқу орындарына арналған жалпы ақпараттық кездесу болды. Іс-шара барысында Үйлестіруші Erasmus+ бағдарламасының негізгі бағыттарын толық таныстырып, Орта Азия елдеріне (6 аймақ) арналған мүмкіндіктерді түсіндірді, әсіресе Халықаралық кредиттік ұтқырлық (ХКҰ), Жоғары білім әлеуетін арттыру (ЖБӘА), Erasmus Mundus Joint Masters, Erasmus Mundus Design Measure және Жан Моне жобаларына көңіл бөлінді.

Сессия интерактивті форматта өтті: қатысушылар белсенді түрде сұрақ қойып, жоспарларымен бөлісіп, бағдарламаға тиімді қатысу стратегияларын талқылады. Іс-шараға Қазақстанның 18 университетінен 33 өкіл қатысты.

Екінші сессия серіктестерді іздеуге арналды. Қатысушылар сенімді халықаралық серіктестерді іздеу стратегияларын үйренді, ынтымақтастықты орнатуға арналған практикалық құралдарды қарастырды және Erasmus+ жобалары үшін серіктестерді іздеуге арналған құнды ресурстар алды. Сессияға ел бойынша 22 университеттен 38 қатысушы қатысты.

Сессиялардың нәтижесі:

• Erasmus+ бағдарламасында тәжірибесі аз немесе мүлде жоқ жоғары оқу орындары бағдарламаның мүмкіндіктері мен Қазақстанға қолжетімді бағыттарды тереңірек түсінді.
• Бағдарламаның төрт бағыты арасындағы айырмашылықты анықтады.
• Әр бағытқа қатысу бойынша ұсыныстар мен әрекет алгоритмін алды.
• Жыл сайынғы конкурсқа дайындықты қалай бастау керектігін түсінді.
• Жоғары оқу орындары жаңа серіктестерді қалай іздеу және ағымдағы серіктестермен ынтымақтастықты қалай қолдау қажеттігін үйренді.
• Серіктестерді іздеуге арналған құнды ресурстармен танысты (Еуропалық Комиссияның Erasmus+ серіктестер қоры, EU Partner Search порталы, NEO KZ сайтының ресурстары және т.б.).
• Қатысушылар жаңа серіктестерді табу және қолда бар желілерін кеңейту бойынша нақты әрекет алгоритмін алды.

Сессиялардың жазбалары NEO KZ сайтының Іс-шаралар – Видеогалерея 2026 ж. бөлімінде, ал презентациялары Ресурстар – Презентациялар 2026 ж. бөлімінде қолжетімді.