NEO KZ 2026 жылы ЖБӘА және Жан Моне жобаларына сапалы өтінімдерді дайындауға арналған онлайн-сессиялар сериясын өткізді.

2026 жылдың қаңтар айында NEO KZ ЖБӘА және Жан Моне жобаларына өтінім берушілер үшін онлайн-сессиялар сериясын ұйымдастырды. Бұл сессиялардың мақсаты - сапалы жобалық өтінімдерді дайындаудың негізгі аспектілері туралы хабардарлықты арттыру және өтінімдерді сәтті тапсыруға арналған практикалық ұсыныстар беру.

2026 жылғы 13 қаңтарда «ЖБӘА 2026 жылғы сапалы жобалық өтінімдерді қалай дайындау керек» атты ақпараттық сессия өтті. Сессия барысында келесі мәселелер қаралды:

2026 жылғы конкурс бойынша негізгі жаңартулар: өтінімдерді тапсырудың негізгі кезеңдеріндегі жаңалықтар, Global Gateway бастамасының басымдықтары, жоғары оқу орны координатор ретінде тапсыра алатын өтінімдердің санына шектеулер және т.б.

• Жобалық өтінімнің құрылымы мен мазмұны: өтінім формасының бөлімдерін талдау, мақсаттар, міндеттер, күтілетін нәтижелер, әдістемелік тәсілдер және бюджет жоспарының түсіндірмесі.
• Сапалы әрі тиімді өтінімдерді дайындау:жобаны жоспарлау бойынша практикалық кеңестер, жиі кездесетін қателіктерді алдын алу жолдары және сәтті жобалық өтінімдердің мысалдары.
• Жобалық өтінімді тапсыру процедурасы бойынша ұсыныстар: FTP арқылы өтінімдерді тапсырудың кезең-кезеңімен нұсқаулығы, шаблондарға және ресми нұсқаулықтарға сілтемелер.
• Қатысушылардың сұрақтарына жауаптар: нақты жағдайларды талқылау және өтінімнің сәтті бағалануы мүмкіндігін арттыру бойынша ұсыныстар.

Сессияға ел бойынша 36 жоғары оқу орнының 112 қатысушысы қатысты.

2026 жылғы 14 қаңтарда «Жан Моне 2026 жылғы сапалы жобалық өтінімді қалай дайындау керек» тақырыбында ақпараттық сессия өтті. Қатысушыларға Жан Моне бастамасының мақсаттары мен басымдықтары, жобалық өтінімнің құрылымы, бағалау критерийлері және негізгі талаптар бойынша толық шолу ұсынылды. Сессия барысында келесі мәселелер қаралды:

• Жан Моне бастамасының мақсаттары мен міндеттері: академиялық жобаларды қолдау салалары және білім беру ұйымдары үшін күтілетін нәтижелер.
• Бағалау критерийлері: әрбір критерийді талдау және оны өтінім формасында көрсету бойынша ұсыныстар.
• Сапалы жобалық өтінімдерді дайындау бойынша кеңестер: EACEA ұсынған ұсыныстар және Қазақстандағы тәжірибелі Жан Моне жобалары координаторларының лайфхактары мен пайдалы кеңестері.
• Пайдалы ресурстар:өтінім формасын дайындауды бастамас бұрын NEO KZ сайты мен Google Drive папкасындағы материалдар. Сессияға ел бойынша 34 университеттің 90 қатысушысы қатысты.

Сессиялардың жазбалары NEO KZ сайтының Іс-шаралар – Видеогалерея 2026 бөлімінде қолжетімді. Презентациялар NEO KZ сайтының Ресурстар - 2026 презентациялар бөлімінде қолжетімді.