Батыс Қазақстандағы Erasmus+ ақпараттық сессиялары
2024 жылғы 8–19 қыркүйек аралығында NEO KZ үйлестірушісі Лаура Палуанова Актөбе, Орал, Атырау және Ақтау қалаларының жоғары оқу орындарында Erasmus+ бағдарламасы бойынша ақпараттық сессиялар өткізді. Іссапар барысында университет басшылығымен кездесулер, Erasmus+ бағдарламасы бойынша жалпы сессиялар, ЖБӘА және Жан Моне бағыттары бойынша әлеуетті үміткерлерге арналған арнайы сессиялар, сондай-ақ Erasmus+ жобалары аясында құрылған зертханаларға экскурсиялар ұйымдастырылды. Сапар барысында Үйлестіруші келесі өңірлік жоғары оқу орындарына барды:
- А.Жұбанов атындағы Ақтөбе өңірлік университеті
- М.Оспанов атындағы Батыс Қазақстан медициналық университеті
- Байшев университеті
- Жәңгір хан атындағы университет
- Батыс Қазақстан инновациялық-технологиялық университеті
- Х.Досмұхамедов атындағы Атырау университеті
- Ш.Есенов атындағы Атырау мұнай және газ университеті
Нәтижесінде, өңірлік университеттер Erasmus+ бағдарламасы туралы толық ақпарат алып, қатысуға мүдделі бағыттарын анықтап, бағдарлама аясындағы Қазақстан үшін қолжетімді іс-шараларға қатысу бойынша пайдалы кеңестер алды.
