Дөңгелек үстел "Студенттер инклюзиясы мен әлеуметтік бейімдеу"
2024 жылғы 25 сәуірде NEO KZ және HERE тобының ұйымдастыруымен Абай атындағы Қазақ ұлттық педагогикалық университетінде "Студенттер инклюзиясы мен әлеуметтік бейімдеу" тақырыбында дөңгелек үстел өтті. Спикерлер қатарында Қазақстанның бірнеше жоғары оқу орнының, үкіметтік емес ұйымдардың, Еңбек және халықты әлеуметтік қорғау министрлігінің және Дүниежүзілік банктің өкілдері болды. Қатысушылардың жалпы саны – 59 адамды (28 офлайн, 31 онлайн форматта қатысты) құрады.
Іс-шара нәтижесінде қатысушылар студенттер инклюзиясы мен олардың әлеуметтік бейімделуіне қатысты мәселелер бойынша хабардарлығын арттырып, бұл саладағы өзекті өзгерістермен танысты. Қатысушылар мен спикерлер арасында үздік тәжірибелер мен тәжірибе алмасу талқыланды. Сонымен қатар, инклюзия және әлеуметтік бейімделу саласындағы мамандар желісі құрылды. Бұл іс-шара барша қатысушыға, әсіресе студенттерге, инклюзия ұғымына тереңірек үңілуге түрткі болды. Қатысушылар инклюзивті білім беру тек аутизмі бар немесе арнайы қажеттіліктері бар студенттерге ғана қатысты емес екенін түсінді. Қазақстан контекстінде инклюзия – бұл әлдеқайда кең ұғым, өйткені әр адам бірегей және ерекше. Іс-шара барысында айтылған ұсыныстар Инклюзивті білім беру моделін түпкілікті әзірлеу кезінде ескерілуі үшін Қазақстан Республикасының Ғылым және жоғары білім министрлігіне жолданды.
Іс-шара материалдары мында қолжетімді.
