Орталық Қазақстандағы Erasmus+ ақпараттық сессиялары
2024 жылғы 18–21 маусым аралығында NEO KZ үйлестірушісі Лаура Палуанова Erasmus+ бағдарламасы бойынша Қарағанды, Теміртау және Жезқазған қалаларындағы жоғары оқу орындарында ақпараттық сессиялар өткізді. Іс-сапарлар барысында университет басшылығымен кездесулер, Erasmus+ бағдарламасы туралы жалпы сессиялар, ЖБӘА және Жан Моне бағыттары бойынша әлеуетті үміткерлерге арналған арнайы сессиялар, сондай-ақ Erasmus+ жобалары аясында құрылған зертханаларға экскурсиялар ұйымдастырылды. Сапар аясында Үйлестіруші келесі өңірлік жоғары оқу орындарын аралады:
- Қазтұтынуодағы Қарағанды университеті
- А.Сәғинов атындағы Қарағанды техникалық университеті
- Қарағанды медицина университеті
- Е.А.Бөкетов атындағы Қарағанды университеті
- Болашақ академиясы
- Қарағанды индустриалдық университеті
- О.А.Байқоңыров атындағы Жезқазған университеті
Нәтижесінде аймақтық жоғары оқу орындары Erasmus+ бағдарламасы туралы хабардарлығын арттырып, өздеріне сәйкес келетін әрекеттерді анықтап, Қазақстан үшін қолжетімді Erasmus+ шараларына қатысу үшін қажетті кеңестер алды.
